Galtzagorri Elkartearen webgunea

liburu-gaztea
Bularretik Mintzora
Liburuen altxorra

Galtzaberri

Bilaketa:

Eider Rodrigezek irabazi du Euskarazko Haur eta Gazte Literatura Euskadi Saria "Santa Familia" komikiaren gidoiagatik

Eider Rodrigezek (Errenteria, 1977) "Santa Familia" (Ikastolen Elkartea, 2017) albumagatik irabazi du Haur eta Gazte Literaturako aurtengo Euskadi Saria. Santa Familia atalka eman zuen Ikastolen Elkarteak Xabiroi aldizkarian eta ondoren albuma osatu zuten. Ilustrazioak Julen Ribasen akuarelak dira. Rodrigezek Euskadi Literatura Saria ere irabazi du aurtengo ekitaldian, lehenengo aldia da idazle berak ekitaldi berean bi sari jasotzen dituela

Badator ipuin kontalarien IV. Maratoia

Galtzagorri elkarteak Ipuin Kontalarien IV. Maratoia egingo du urriaren 20an Donostian, Donostiako Haur Liburutegi Nagusiarekin elkarlanean.

IV. Maratoiaren baitan lau ipuin kontaketa saio eskainiko dira, Donostiako Liburutegi Nagusian (San Jeronimo Kaleko sotoan, Donostian). Egitarau anitza prestatu dugu, haur, gazte eta helduak erakartzeko asmoz. Egun osoko saioetan, ipuin musikatuak, antzeztuak, ilustrazioz jantzitakoak… entzun eta gozatu ahal izango ditugu.

25 ikastetxek eta 3.000 gaztek baino gehiagok hartuko dute parte ikasturte honetako book trailer lehiaketan

Abian da Liburu Gaztea Book Trailer Lehiaketaren 7. edizioa. Aurten 25 ikastetxek eman dute izena lehiaketan eta, guztira, 3.054 ikasle ariko dira liburuak irakurri eta haiei buruzko book trailerrak egiten datozen hilabeteetan. Egitasmo hau Galtzagorri elkarteak antolatzen du urtero Gipuzkoako Foru Aldundiaren laguntzarekin. Honen helburua 12 eta 16 urte bitarteko gazteen irakurtzeko zaletasuna sustatzea da, horretarako teknologia berriak erabiliz.

Juan Kruz Igerabidek irabazi du Espainiako Haur eta Gazte Literatur saria

'Abezedario titirijario (letren txotxongiloa)' liburuagatik saritu dute. Epaimahaikideek idazlearen hizkuntza poetikoa, umorea eta euskal ahozko tradizioaren oihartzuna nabarmendu dute.

Irakurzaletasunaren sustapena sarituko du IBBYk bi urtean behin

IBBY (International Board on Books for Young People) nazioarteko erakundeak aurreko abuztuan Atenasen egindako bilkuran, haur eta gazte literaturaren gaineko adituen jakintza partekatzeaz, sortzeaz eta banatzeaz gain, sari berri bat sortzeko urratsak eman zituzten. Aurrerantzean, bi urtez behin, irakurzaletasunaren sustapenean jarduten duten norbanakoen, erakundeen edo gobernuen lana sarituko dute. Saria Shenzen iRead fundazioak eta IBBYk sortu dute elkarlanean eta irakurzaletasunaren sustapenaren zabalkundearekiko konpromisoa sarituko dute.

Sari berria sortzeaz gain, IBBYren zuzendaritza ere berritu dute abuztuan Atenasen egindako bilkuran

Liburutegi ibiltariak bideari ekiteko prest

Liburuen Altxorra Gipuzkoan eta Liburu Ibiltariak Bizkaian bideari ekingo diote irailaren 25ean Berastegin eta urriaren 1ean Mallabian, hurrenez hurren. Galtzagorri elkarteak Gipuzkoako eta Bizkaiko Aldundien babesarekin egitasmook abiarazten dituen 19. ekitaldia da Gipuzkoan eta 18.a Bizkaian. Aurten inoiz baino ikastetxe gehiagok parte hartuko dute, 58 guztira, eta 4.109 ikaslek gozatu ahalko dute liburuz betetako kutxekin. Aholkularitza eskaerak ere gora egin du, 427 irakasleek jasoko dute aurtengo ekitaldian eta, haien bitartez, 4.131 ikaslek. Egitasmoa, kutxak eta aholkularitza zerbitzua barne hartuta, 8.240 ikasleengana iritsiko da.

Lampedusako IBBY-ren kanpalekua urriaren 29tik azaroaren 3ra izango da

Silent books. From the world to Lampedusa and Back kanpalekua edo Liburu Mutuak. Mundutik Lampedusara eta handik mundura izeneko kanpalekuak antolatu ditu aurtengoan ere IBBY-ren (Nazioarteko Haur eta Gazte literaturaren erakundea) Italiako adarrak. Kanpalekuak urriaren 29tik azaroaren 3ra izango dira, Lampedusa irlan, Italian.

Gernikan egingo dute gaur Booktuberboom egitasmoaren ikasturte honetako lehenengo booktuber kedada

Martxan da Booktuberboom Lehiaketaren II. ekitaldia eta lehenengo booktuber kedada gaur goizean (irailak 21) egingo dute. Gernikan izango da. Aurten, Eusko Jaurlaritzako Liburutegi Zerbitzuak eta Galtzagorri elkarteak elkarlanean martxan jarri zuten egitasmoak bidelagun berria topatu du, Gaztea irratia. Iaz egitasmoari babesa eman zion arren aurtengo edizioan antolatzaileen artean dugu Gaztea eta gaurko juntadizoan, Gernikako Elai Alai aretoan, 11:30etik aurrera, Ainhoa Etxeberria aktore eta irrati eta telebista aurkezleak booktube-ak egiteko urratsak azalduko dizkie 14 eta 18 urte bitarteko gazteei.

Liburu Gaztea Book Trailer Lehiaketa hastera doa

Irailaren 21ean amaituko da 2018-2019 ikasturteko Liburu Gaztea Book Trailer Lehiaketan Ikastetxeen kategorian izena emateko epea. Ikasturte honetan ere parte hartzaileek Galtzagorrik proposatutako liburu bat irakurri eta horri buruzko book trailerra egin beharko dute 2019ko martxoaren 8a baino lehen. Ikastetxeen kategorian derrigorrezkoa da izena ematea. Norbanakoen kategorian nahikoa da book trailerra azken eguna baino lehen bidaltzearekin. Irakaslea bazara, animatu zure ikasleak parte hartzera. Gaztea bazara, animatu zu zeu! Irakurri, sakatu rec eta parte hartu!

Orbainak, autorretratu mutanteak eta memoria-liporelloak MarraziOak-en hamargarren edizioa bukatzeko

Bukatzen ari dira aurtengo MarraziOak ilustratzaileen topaketak. Memoriaren marretan barrena hausnarketa ugari egiteko aukera izan dute parte hartu duten 11 ilustratzaileek. Hausnarketa bakarrik ez: norberaren memorian oinarrituta sormen lan bikainak gauzatu dituzte. Besteak beste, norberaren bizipen, une edo objekturen batean oinarritutako liporello formako albumak. Bukatuak dituzte jada. Baina horrez gain, sormena sustatzeko hainbat ariketa ere egin dute. Beti bezala, ideia eta proiektu ugari sortuko dira MarraziOak-etik.

Galtzagorri Elkartea · Zemoria 25, Behea 20013 Donostia ·