Galtzagorri Elkartearen webgunea

liburu-gaztea
Bularretik Mintzora
Liburuen altxorra

Galtzaberri

atzera

Eider Rodrigezek irabazi du Euskarazko Haur eta Gazte Literatura Euskadi Saria "Santa Familia" komikiaren gidoiagatik

Eider Rodrigezek (Errenteria, 1977) "Santa Familia" (Ikastolen Elkartea, 2017) albumagatik irabazi du Haur eta Gazte Literaturako aurtengo Euskadi Saria. "Santa Familia" atalka eman zuen Ikastolen Elkarteak Xabiroi aldizkarian eta ondoren albuma osatu zuten. Ilustrazioak Julen Ribasen akuarelak dira. Rodrigezek Euskadi Literatura Saria ere irabazi du aurtengo ekitaldian, lehenengo aldia da idazle berak ekitaldi berean bi sari jasotzen dituela.

Familia baten istorioak Komiki albumak familia tradizional baten gorabeherak kontatzen ditu eta santa hitza goiburuan badoa ere, inor ez da santua Rodrigezek sortutako familian. Ironia da kontakizuna josten duen haria. Izan ere, familia ardatz hartuta, hari buruzko hainbat zalantza filosofiko eta egoera tragikomiko sortu ditu egileak umorea lagun.

Hain zuzen ere, Euskadi Saria irabazi duen komiki liburu hau Galtzagorri elkarteak urtero burutzen duen Liburu Gaztea Booktrailer lehiaketaren aurtengo ediziorako 14 eta 16 urte bitarteko gaztetxoentzako gomendatutako irakurgaien artean dago.

 

Esan bezala, lehenengo aldia da egile berak bi Euskadi Sari jasotzen dituela, Rodrigezek aurten "Bihotz Handiegia" (Susa) ipuin bildumarekin Literatura Euskadi Saria ere hartuko baitu.

Yolanda Mosquerari eman diote aurtengo Ilustrazio Euskadi Saria Guy de Maupassant-en "Le petite Roque" ipuinaren ilustrazioengatik. Liburua Yacare argitaletxeak publikatu du.

Euskadi Sariak azaroaren 27an emango dituzte Gasteizeko Artium museoan.

 

Utzi zure erantzuna:

 
* duten eremuak derrigorrezkoak dira.
Izena*
E-posta*
 
Idatzi ezazu segurtasun kodea
   
       
 
Lagun bati bidali
Galtzagorri Elkartea · Zemoria 25, Behea 20013 Donostia ·