Galtzagorri Elkartearen webgunea

liburu-gaztea
Bularretik Mintzora
Liburuen altxorra

Galtzaberri

atzera

Udan ere literaturaz gozatzeko aukera

Uztailak uda betean sartu gaitu, eta liburuz betetako udaldia eskaini digu beste behin ere. Oporrak dituenarentzat eta lanean segitzen duenarentzat bidaiatzeko, eta, abentura eta emozio berriak bizitzeko aukera paregabea eskaintzen digu literaturak. Baina nondik hasi? Erantzunik ez baduzu, hemen dituzu Euskal Herriko hainbat liburutegiren aurtengo udarako proposamenak. Eta horiekin aski ez baduzu, gure web guneko Dokumentazio gunean bildu ditugun irakurketa gidak kontsultatu eta hasi gozatzen!

 

Urtaro bakoitzarekin ohi dutenez, Aramaioko, Aretxabaletako, Arrasateko, Bergarako, Eskoriatzako, Legazpiko eta Oñatiko Udal Liburutegiek elkarlanean Biblioporrak gida argitaratu dute. Bertan aurkituko dituzu liburu gomendatuen artean: Txokolata, Euskal Herrietako ipuinak, Waluk edota Malen labirinto madarikatuan.

 

Andoain, Astigarraga, Hernani, Lasarte-Oria, Urnieta, Usurbil eta Zizurkilgo liburutegiek ere hutsik egin gabe argitaratu dute beraien gomendio-sorta: Freskagarriak 2018. Gida honetan sartu dituzte Ipuinak nahasten, Nik papaita, zuk papaita, Gregorio katarrino eta Limoiondoaren loreak liburuak.

 

Bilatu gustuko duzuna eta gozatu irakurketaz, gozatu udaz!

 

Utzi zure erantzuna:

 
* duten eremuak derrigorrezkoak dira.
Izena*
E-posta*
 
Idatzi ezazu segurtasun kodea
   
       
 
Lagun bati bidali
Galtzagorri Elkartea · Zemoria 25, Behea 20013 Donostia ·