Galtzagorri Elkartearen webgunea

liburu-gaztea
Bularretik Mintzora
Liburuen altxorra

Albisteak

Hasi gara lehen book trailerrak jasotzen

Liburu Gaztea Book Trailer Lehiaketako lehen book trailerrak jasotzen hasi gara. Kurtzebarri BHI, San Luis La Salle eta Zurriola Ikastolako ikasleak izan dira haien lanak bidaltzen lehenak. Pixkanaka joango gara Liburu Gaztea web guneko Lehiaketa atalean bistaratzen. Book trailerrak bidaltzeko azken eguna martxoaren 4a da. ANIMATU ETA PARTE HARTU!

Album ilustratuei buruzko formazio saioa antolatu du Galtzagorrik

Galtzagorri Elkarteak album ilustratuen inguruko formazio saioa antolatu du Haur Literatura  Mintegiaren barruan. Mikel Ayerbe eta Asun Agiriano Haur Literatura adituek emango dute saioa martxoaren 12an, 10:00etatik 13:00etara, Donostiako Ernest Lluch kultur etxean. 35 lagunentzako lekua dago eta izen-ematearen arabera osatuko da taldea. Izen-emate epea martxoaren 4an amaituko da.

Klis-klasikoak bildumako "Haizea sahats artean" IBBYren 2016ko Ohorezko Zerrendan

IBBY erakundeak bi urtean behin idazle, ilustratzaile eta itzultzaileen Ohorezko Zerrenda osatu ohi du eta bi euskaldun daude 2016ko Ohorezko Zerrendan: Harkaitz Cano idazlea Orkestra lurtarra (Elkar, 2013) liburuagatik, eta Miren Arratibel Haizea sahats artean (Erein/Igela, 2013) Galtzagorriren Klis-klasikoak bildumako liburuagatik. Egile bakoitzak diploma bana jasoko du Zelanda Berrian egingo den IBBYren 35. Nazioarteko Kongresuan. 2014an ere Klis-klasikoak bildumako beste liburu baten itzulpenak jaso zuen merezimendu hori: Iñaki Mendiguren sartu zen IBBYren Ohorezko Zerrendan Klis-klasikoak bildumako Tom Sawyer-en abenturak liburuaren itzulpenagatik.

Haur eta Gazte Liburuaren Kataluniako Saloia apirilean

Urtero bezala, Haur eta Gazte Liburuaren Saloia egingo da apirilaren 17tik 30era Mollerussan. Haurrei eta gazteei zuzendutako 4.500 liburu baino gehiago, ilustrazio erakusketak, lantegiak, egileekin topaketak, kontaketa saioak... Bertan parte hartu nahi duten argitaletxeek otsailaren 22ra arteko epea dute izena emateko, eta, bestelako ekimenak burutu nahi dituzten egile edo sortzaileek martxoaren 7a dute proposamenak aurkezteko azken eguna.

Lire en Short literatur jardunaldietarako proiektuak aurkezteko epea zabalik da

Frantziako CNLk (Centre Nacional del Livre) antolatzen duen Lire en Short gazte literatura sustatzeko jardunaldietara proiektuak aurkezteko deialdia egin dute. Aurten uztailaren 20tik 31ra ospatuko dira jardunaldiok eta Frantzian egoitza duten elkarte eta erakundeek aurkez ditzakete proiektuak. Informazio gehiago web gune honetan.

Book Trailer Lehiaketarako azken hilabetea

Liburu Gaztea Book Trailer Lehiaketak aurrera darrai. Honez gero, parte hartzaileak buru-belarri ariko dira irakurgaiak lantzen, gidoiak prestatzen, irudiak sortzen edo bilatzen... Martxoaren 4a da book trailerrak lehiaketara bidaltzeko azken eguna. Aurtengo uzta dastatzeko gogoz gaude!

Liburua eta teknologiak uztartzen dituzten proiektuak saritu dituzte

The Bookseller enpresak FutureBook Awards sariak banatzen ditu urtero liburugintza eta teknologiak uztartzen dituzten proiekturik onen artean. Hainbat sail edo kategoriatan banatzen dituzte sariak, eta egitasmo berritzaile ugari dago tartean. Write-Track plataforma, esparru desberdinetako sortzaileak elkarlanean jartzen dituena; Together Tales haurrentzako liburuak (paperean eta digitalean) eskaintzen dituena; edo Oovre, papereko liburuen katalogo birtuala, liburua erosleak gertuen duen liburu-dendara bidaltzen duena.

Elkar Ilustrazio eta Ipuin Lehiaketan Komikiaren Saria sortu dute

Haur eta gazteen artean irakurzaletasuna eta euskara sustatzeko helburuarekin Elkar Fundazioak deitutako 8. Ilustrazio eta Ipuin Lehiaketa abian da. Aurten, parte hartzeko hiru modu daude: Peru Magdalenak idatzitako Lolo ipuina irakurri eta ilustrazio bat egin edo Martin Altzueta 'Martintxo' ilustratzaileak egindako ilustrazioa ipuin bihurtu. Bestetik, aurten lehen aldiz, kulturaz duten ikuspuntua komiki ala bineta bidez aurkezteko aurkera badago. Lanak aurkezteko epea apirilaren 15ean amaituko da.

App berria

Agenda

atzera Azaroa 2012 aurrera
 
 
 
1
2
3
4
5
6
8
9
11
12
13
14
18
19
22
25
27
29
30
 
 

Bereziak

Behinola 32 kalean da

promozio-bideoa

Gipuzkoa APP's Saria 2015

Galtzagorrik 25 urte

Itsaspeko bihotzak areto literarioa

Galtzagorri Elkartea · Zemoria 25, Behea 20013 Donostia ·