Galtzagorri Elkartearen webgunea

liburu-gaztea
Bularretik Mintzora
Liburuen altxorra

Albisteak

Leire Bilbaok eta Mikel Valverdek eskuratu dituzte Euskadi Literatura Sariak

Euskarazko Haur eta Gazte Literaturako 2017ko Euskadi Literatura Sariaren garaile suertatu da Leire Bilbao ondarrutarra. Hain zuzen ere, "Xomorropoemak eta beste piztia batzuk" lanari esker. Obra horrekin berarekin izan da Bilbao Haur Literaturako Espainiako Sari Nazionaleko finalista aurten. Mikel Valverde ilustratzaile gasteiztarra, berriz, Literatura Lanaren Ilustrazio Euskadi saria kategorian gailendu da “Versos de deportes” lanari esker. Eusko Jaurlaritzako Kultura sailburuorde Joxean Muñozek eman du berria Tabakalerako UBIK liburutegian egindako prentsaurrekoan. Saridun bakoitzak 18.000 euroko saria izango du, eta beste 4.000 euro eskura ditzake bere lana beste hizkuntza batean argiratzen bada. Sari banaketa ekitaldia azaroaren 13an egingo da.

Ipuin kontalarien III. Maratoia egingo dugu urrian

Urriaren 21ean Donostian burutuko dugu Ipuin Kontalarien III. Maratoia, Donostiako Haur Liburutegi Nagusiarekin elkarlanean.

III. Maratoiaren baitan lau ipuin kontaketa saio eskainiko dira, Donostiako Liburutegi Nagusian (San Jeronimo Kaleko sotoan, Donostian). Egitarau anitza prestatu dugu, haur, gazte eta helduak erakartzeko asmoz. Egun osoko saioetan, ipuin musikatuak, antzeztuak, ilustrazioz jantzitakoak… entzun eta gozatu ahal izango ditugu.

"Haurren irakurzaletasuna sustatzeko familiaren eta bitartekarien arlo psiko-emozionalaren garrantziaz" ikastaroa urriaren 28an

Aurtengo ikasturterako formazio saio berri bat antolatu du Galtzagorri Elkarteak ALDEE Artxibategi, Liburutegi eta Dokumentazio Zentroetako Profesionalen Euskal Elkartearekin elkarlanean eta Eusko Jaurlaritzaren eta Gipuzkoako Foru Aldundiaren babesarekin.

Hain zuzen ere, haurren irakurtzeko zaletasuna sustatzerakoan familiak duen ezinbesteko funtzioaz eta langintza horretan bitartekarien arlo psiko-emozionalak duen garrantziaz jardungo dugu urriaren 28an Komikigunean. Horretarako, bi aditu gonbidatu ditugu formazio saio honetan parte hartzera: Joan Portell, Kataluniako pedagogoa, literatur kritikaria eta unibertsitateko irakaslea batetik; eta Juan Carlos Alonso psikologoa, Galtzagorriko kidea eta Haur Literaturak haurren garapenean duen eraginean hainbat lan eta hitzaldi eskainitakoa. Izen-ematea zabalik dago urriaren 20ra arte.

25 ikastetxek eta ia 3.000 gaztek hartuko dute parte ikasturte honetako book trailer lehiaketan

Abian da Liburu Gaztea Book Trailer Lehiaketaren 6. edizioa. Aurten 25 ikastetxek eman dute izena lehiaketan eta, guztira, 2.945 ikasle ariko dira liburuak irakurri eta haiei buruzko book trailerrak egiten datozen hilabeteetan. Iaz baino 1.000 gazte gehiagok hartuko du parte lehiaketan beraz. Egitasmo hau Galtzagorri Elkarteak antolatzen du urtero Gipuzkoako Foru Aldundiaren laguntzarekin. Honen helburua 12 eta 16 urte bitarteko gazteen irakurtzeko zaletasuna sustatzea da, horretarako teknologia berriak erabiliz.

Galtzagorri elkartearen liburuen kutxa ibiltariak hasi dira eskola txikietara iristen

18. urtea beteko du ikasturte honetan Liburuen Altxorra proiektuak Gipuzkoan. 17. urtea Liburu Ibiltariak-ek Bizkaian. Lehena Gipuzkoako Foru Aldundiari esker burutzen du Galtzagorri Elkarteak. Bigarrena, Bizkaiko Foru Aldundiari esker. Biek ala biek, izen ezberdina duten arren, helburu eta mami bera dute: Gipuzkoako zein Bizkaiko eskola txikietako haurren irakurtzeko zaletasuna sustatzea, horretarako euskarazko kalitatezko liburuak baliatuz. Horregatik, liburutegi gurpildunak prestatzen ditu Galtzagorri Euskal Haur eta Gazte Literatura Elkarteak urtero. 0 eta 12 urte bitarteko haurrentzat argitaratutako 130 bat euskarazko liburu daramatzaten 5 kutxa ibiltari prestatu ditu aurten Gipuzkoarako; beste hainbeste Bizkairako. Guztira, beraz, euskarazko 1.300 liburu ibiliko dira eskolaz eskola, 2017-2018. ikasturtean.

Danimaizen txanda da abendura arte Ilustratzailearen Txokoan

Donostiako Aieteko Ilustratzailearen Txokoan Danimaizen erakusketa inauguratu berri da. Abenduaren 10era arte egongo da zabalik ilustratzaile basauriarraren sorkuntza lanek osaturiko erakusketa. Galtzagorri Elkarteak Donostia Kulturarekin batera sortutako proiektua da Aieteko Ilustratzailearen Txokoa. 2012ko urrian inauguratu zenetik, ilustratzaile ugarik jarri dituzte ikusgai euren lanak bertan. Danimaiz-en erakusketarekin, 20 ilustratzailek hartu dute Txokoa bost urte hauetan. Ilustratzaileen lana jendartean ezagutarazteko xedea du Txokoak.

App-bilduma

Klis-klasikoak

Agenda

atzera Urtarrila 2017 aurrera
 
 
 
 
 
 
1
2
3
4
5
6
7
8
9
10
11
12
13
14
15
16
17
18
19
20
22
23
24
25
26
27
28
29
30
31
 
 
 
 
 

Bereziak

Urriaren 21ean Ipuin kontalarien III. Maratoia egingo dugu

BOOKTUBERBOOM! EAEko I. Booktuber lehiaketa

Behinola 35 kalean da

Galtzagorri Elkartea · Zemoria 25, Behea 20013 Donostia ·