Galtzagorri Elkartearen webgunea

liburu-gaztea
Bularretik Mintzora
Liburuen altxorra

Albisteak

Danimaizen txanda da abendura arte Ilustratzailearen Txokoan

Donostiako Aieteko Ilustratzailearen Txokoan Danimaizen erakusketa inauguratu berri da. Abenduaren 10era arte egongo da zabalik ilustratzaile basauriarraren sorkuntza lanek osaturiko erakusketa. Galtzagorri Elkarteak Donostia Kulturarekin batera sortutako proiektua da Aieteko Ilustratzailearen Txokoa. 2012ko urrian inauguratu zenetik, ilustratzaile ugarik jarri dituzte ikusgai euren lanak bertan. Danimaiz-en erakusketarekin, 20 ilustratzailek hartu dute Txokoa bost urte hauetan. Ilustratzaileen lana jendartean ezagutarazteko xedea du Txokoak.

Oraindik irakurtzen ez dakiten haurrentzako liburuak abiatu dituzte MarraziOak IX-n parte hartu duten 11 ilustratzaileek

Gaur bukatuko dira MarraziOak IX Topaketak. Astelehenetik 11 ilustratzaile ari dira Donostiako Komikigunean Galtzagorri Elkarteak Gipuzkoako Foru Aldundiko Kultura zuzendaritzaren babesarekin antolatutako Jardunaldi hauetan parte hartzen. Goiz eta arratsaldez aritu dira bertan lanean bost egun hauetan. Haur txiki-txikientzako liburuak erakusteaz gain, horiek sortzeko estrategiak azaldu dizkiete parte hartzaileei Gustavo Puerta eta Elena Odriozola irakasleek. Beraz, genero horretan sakontzeaz gain, bakoitzak bere liburuaren proiektua abiatu du.

Liburu Gaztea Book Trailer lehiaketan parte hartzeko azken egunak

Irailaren 22an bukatuko da Liburu Gaztea Book Trailer Lehiaketan izena emateko epea. Oraindik ez baduzue fitxa bidali, anima zaitezte, ez ezazue ondo pasatzeko, sari bikainak irabazteko eta, batez ere, zuen ikasle gazteen irakurtzeko zaletasuna sustatzeko aukera hau pasatzen utzi!

Leire Salaberria Bratislavako ilustrazio biurtekoan izango da

Irailak 8tik 11ra izango da Bratislavan (Eslovakia) Leire Salaberria ilustratzaile andoaindarra. Bertan egun hauetan burutzen ari diren 26. Ilustrazio Biurtekoan parte hartuko du. Ospe handia duen Haur eta gazte liburuen ilustrazioen nazioarteko erakusketa honetan, Galtzagorri Elkarteak OEPLIren bitartez proposatutako euskal ilustratzaileetatik 5en lanak egongo dira ikusgai. Tartean, Salaberria berarenak. Mundu guztiko ilustratzaileen jatorrizko lanen erakusketa horrez gain, haur eta gazteentzako liburuen ilustrazioan adituak direnen nazioarteko sinposio bat ere burutuko da. Eta bertan parte hartuko du Salaberriak. Etxepare Euskal Institutuari esker, datorren astelehenera arte, ekimen ezberdinetan parte hartuko du Salaberriak.

Haur txikientzako beste era bateko liburuak sortzeko bideak landuko dituzte hamaika ilustratzailek MarraziOak IXn

Datorren astelehenean, irailaren 11n, hasiko da Galtzagorri Elkarteak urtero antolatzen dituen MarraziOak Ilustratzaileen Topaketen IX. edizioa. Gipuzkoako Foru Aldundiko Kultura zuzendaritzak babestuta, Donostiako Komikigunean (Errege-Erregina Katolikoen Kalea, 16) egingo dira hirugarren urtez. Aurtengoan, "Kosk egiteko, botatzeko, lardaskatzeko eta are irakurriak izateko moduko liburuak egin" lelopean burutuko dira. Elena Odriozola ilustratzaileak eta Gustavo Puerta literatura eta arte adituak hautatutako 11 ilustratzailek hartuko dute parte, irailaren 11tik 15era burutuko den haur txikientzako liburuak sortzeko tailer honetan. Genero hau gure artean ia ezezaguna izateaz gain, oso gutxi garatu da. Irakurtzen ez dakiten haurrentzako liburuak sarri ez dira irakurgaitzat ere hartzen, haur txikiek irakurtzen al dute ba?

Liburu Gaztea Book Trailer Lehiaketa hastera doa

Irailaren 22an amaituko da 2017-2018 ikasturteko Liburu Gaztea Book Trailer Lehiaketan Ikastetxeen kategorian izena emateko epea. Ikasturte honetan ere parte hartzaileek Galtzagorrik proposatutako liburu bat irakurri eta horri buruzko book trailerra egin beharko dute 2018ko martxoaren 9a baino lehen. Ikastetxeen kategorian derrigorrezkoa da izena ematea. Norbanakoen kategorian nahikoa da book trailerra azken eguna baino lehen bidaltzearekin. Irakaslea bazara, animatu zure ikasleak parte hartzera. Gaztea bazara, animatu zu zeu! Irakurri, sakatu rec eta parte hartu!

Irailaren 16an irekiko dute ofizialki Lanpedusako IBBYren Liburutegia

"Silent books. From the world to Lampedusa and Back" izeneko egitasmoa sortu zuen IBBYren Italiako atalak 2012an. Hain zuzen ere, Lanpedusako irlan haurrentzako liburutegi bat sortzeko xedez. Urteetan, stand by-ean egon den proiektua egi bihurtu da, datorren irailaren 16an ofizialki bere ateak irekiko baititu aipatu liburutegiak. Bertan abiatuko da baita ere Silent books erakusketa ibiltariaren 3. edizioa.

Udan ere literaturaz gozatzeko aukera

Uztailak uda betean sartu gaitu -eguraldia gora-behera-, eta liburuz betetako udaldia eskaini digu beste behin ere. Oporrak dituenarentzat eta lanean segitzen duenarentzat bidaiatzeko, eta, abentura eta emozio berriak bizitzeko aukera paregabea eskaintzen digu literaturak. Baina nondik hasi? Erantzunik ez baduzu, hemen dituzu Euskal Herriko hainbat liburutegiren aurtengo udarako proposamenak. Eta horiekin aski ez baduzu, gure web guneko Dokumentazio gunean bildu ditugun irakurketa gidak kontsultatu eta hasi gozatzen!

Hamaika lagun hautatu dituzte MarraziOak IX Topaketetarako

MarraziOak IX topaketetan hamaika ilustratzailek hartuko dute parte aurten. Elena Odriozolak eta Gustavo Puertak gidatuko dituzte aurtengo topaketak eta haiek izan dira aurkeztutako ilustratzaileak hautatu dituztenak bakoitzaren lanak aztertu ondoren. Hauek izan dira hautatuak: Olaia Martinez, Saioa Burutaran, Maite Gurrutxaga, Anaitz Igoa, Ibon Markaida, Ainara Altuna, Ainara Azpiazu (Axpi), Helena Azkarragaurizar, Izar Etxeberria, Yolanda Yubero eta Iñaki Martiarena (Mattin).

App-bilduma

Klis-klasikoak

Agenda

atzera Martxoa 2017 aurrera
 
 
2
3
4
5
6
7
8
12
13
14
15
16
17
19
20
21
22
23
24
25
26
31
 
 

Bereziak

Urriaren 21ean Ipuin kontalarien III. Maratoia egingo dugu

BOOKTUBERBOOM! EAEko I. Booktuber lehiaketa

Behinola 35 kalean da

Galtzagorri Elkartea · Zemoria 25, Behea 20013 Donostia ·