Booktuber izatea modan dago! Halaxe dirudi Booktuberboom egitasmoaren arrakasta ikusi eta gero… Egunetik egunera lehiaketaren 4.ediziora geroz eta booktuber gehiago iristen ari dira, Sutan Bangeko lagunekin batera BooktuberBOOM Saioa estrenatu dugu YouTuben eta hori gutxi ez eta Iholdi Beristain ere booktuber egin zaigu.

Iholdi Beristain, euskal abeslari eta aktore ezagunak bat egin du geure egitasmoarekin eta berak ere bidali nahi izan digu irakurri berri duen liburu baten gomendioa. Liburuaren izena Portuak da eta Oihana Arana da liburu honen idazlea. Iholdik bideoan aipatzen digunez, Ilargi deituriko protagonsitak bere nerabezaroa ezagutaraziko digu eta portuak mugarri bilakatuko dira eginkizun horretan, bai literalki eta baita metaforikoki ere. Portuetara barkuak iritsi eta irtetzen diren bezala, Iholdik ere Portuak liburuan sartu-irten bat egitera animatzen gaitu. Arribatuko al zara zu ere?

Klikatu hemen Iholdi Beristainen booktubea ikusteko!