Hemeroteka


Compartir
2020-05-05

Liburu-gomendio bat egunero

Kantuan gatoz gaur, artza eta elefantea, bat, bi, hiru lau, poesia kantatzen🎶!

Bidean zehar. Idazlea eta ilustratzailea: Mariana Ruiz Johnson. Itzultzailea: Xabier Olaso. Pamiela-Kalandraka, 2019.

Olibak eta kakahueteak aldean,

bidean zehar harat-honat,

elefante ama zetorren

eta bere elefantekumea: BAT…

Alaitasuna, erritmoa eta musikaltasuna darizkion haur kanta-poema da Bidean zehar. Animalia ezberdinak dira protagonista -elefanteak, saguak, katuak eta hartzak ere tarteko-, eta bertso oktosilabo hauen erritmoan dihardute, zenbaki-hurrenkera markatzen dutela. Horrela, bada, 1etik 10era bitartean, pertsonaiak zenbatzen hasten dira, jai giroko helmuga harrigarrira iritsi arte.

Ama liburuaren ondoren, Ruiz Johnsonek Vl Nazioarteko Konpostela Album Ilustratuaren Saria irabazi zuen obra, hain justu, eta El viaje de mamá, aurre-irakurleentzako eta lehen irakurleentzako kartoizko liburu honetan, egileak, berriro ere, familia hartzen du gaitzat. Lehenengo zenbakiak ikasteaz batera, Bidean zehar liburuak, bestalde, jaki ezberdinak ezagutzeko aukera ez ezik, jakiok eramaten dtuztenen berezko ezaugarri batzuk ezagutzeko egokiera ere ematen du.

Kolore askotako ilustrazioak izatea da inondik ere irudi dinamikoak, adierazkorrak eta ezagutzeko modukoak ere badituen irakurgai dibertigarri honen interesguneetako bat.