Hemeroteka


Elkarbanatu
2020-08-31

Liburu-gomendio bat astero

Haur txiki-txikientzako gomendioarekin gatoz edo, nahi baduzue, familia osoarentzat!

Muki bat, ttak. Idazlea eta ilustratzailea: Elena Odriozola. Itzultzailea: Juan Kruz Igerabide. Ediciones Modernas El Embudo, Soinutxo hori? bilduma, 2020.

Mukiak sortzen duen jateko gogo ase ezinari buruzko lelo tradizional bat aitzakia hartuta, Elena Odriozolak gizakiaren bizitzako lau aroei buruz hausnartzen du. Orriz orri kantaren erritmoan egin dezakegu aurrera, eta ikusi zer harreman duen zortzi pertsonaietako bakoitzak umore itsaskor eta lodi horrekin. Edo orriak bizkor-bizkor pasa ditzakegu, eta mugimenduaren sentsazioa jaso. Bata ala bestea aukeratu, liburua ixtean kosta egingo zaigu lelo hori burutik kentzen, eta agian sudurrean azkura sentituko dugu.