8-10 urte

Galtzagorri elkarteak urteak daramatza haur eta gurasoentzat irakurketa klubak antolatzen eta gidatzen. Irakurketa Klubak irakurketa sustatzeko ekimenak dira; eta bertan haur txikiak 6-36 hilabete bitartekoak, 3-5 urte bitartekoak eta 6-8 urte bitartekoak eta euren gurasoak bildu izan ditugu, euskarazko literaturaren inguruan gozatzera.

Adinean gora eginez, klub hauek 8-10 urteko haurrei zabaldu dizkiegu. Helburua, jakina, aurreko adin tarteetan bezalaxe, irakurketaz eta literaturaz gozatzea da, eta literaturaren arlo desberdinak lantzea: irakurketa ozenak, liburu aurkezpenak, olerkiak, abestiak, irakurketa gidatuak, igarkizunak, elkarrizketa txikiak, aho-korapiloak...

Haurrak irakurketa prozesuan autonomoagoak diren honetan, ez da irakurketa klubeko saioetarako gurasoen parte-hartzea bilatzen; bai ordea, etxean gurasoen inplikazio txiki bat. Izan ere, gurasoak dira testuen eta haurren arteko bitartekari nagusiak, eta haurrek klubetako saioetan eskainitako irakurgaien gainean etxean laguntasuna dutela ikusten badute, errazagoa egingo zaigu denoi bide honetan urratsak ematea. Horrela, saioetako bizipenak eta bertako irakurgaiak partekatzeak familia osoari literaturaz gehiago gozatzeko parada eskainiko dio.

                                                                                                                      

Edukiak

Saio bakoitzean, Galtzagorri elkarteko profesional batek gidaturik, parte-hartze aktiboa eskatuko zaie haurrei. Era honetako ekimenak gauzatuko dira:

  • Irakurketa ozenak.
  • Liburuen aurkezpenak, haien bibliografia zabaltzeko.
  • Irakurritako liburuei buruzko komentario eta gomendioak.
  •  Elkarrizketa literarioak • Hausnarketa literarioak
  • Literaturaren inguruko hainbat ekimen lasai: Antzerki txikiak • Liburuak oinarri hartuta abentura jolasak • Liburu ederretan oinarritutako app batzuen erabilera.
  • Saio batetik bestera, liburu edota testu zehatz bat irakurrita ekartzea eskatuko zaie haurrei, gerora hauen lanketa bideratzeko. Saioetan irizpide oso argiak emango zaizkie gaztetxoei, gero haiek baliabide horiek erabiltzeko gai izan daitezen.

Helburuak

  • Irakurketa ohiturak sustatu Kalitatezko euskal bibliografia ezagutu.
  • Haur-gaztetxoen irakurtzeko zaletasuna sustatu.
  • Gaztetxo hauek, giro lasai batean, liburuez eta irakurketaz gozatu dezaten lortu.
  • Bibliotekaren erabilpena sustatu.
  • Haurrak kalitatezko liburuak hautatu, irakurri, aurkeztu eta kontatzeko prestatu.

Partaidetza

Saioetan, 8-10 urte bitarteko hamabi haurrek har dezakete parte.