HGL eskolan

Galtzagorri elkarteak eta Hizkuntzaren eta Literaturaren Didaktika Sailak (EHU), Eusko Jaurlaritzako Hizkuntza Politikarako Sailburuordetzak babestuta, Haur- eta gazte- literatura eskolan ikastaro osagarria jarriko dugu martxan. Ikastaroa urtarrilaren abiatuko da Donostiako Hezkuntza, Filosofia eta Antropologia Fakultatean.

Ikastaroaren xedea, hartzaileak eta luzera

Ikastaroa irakurketaren inguruan gaurko gizartean eta, bereziki, hezkuntza-esparruan dagoen kezka bati erantzuteko asmoz sortu dugu. Hain zuzen, irakurketa literarioak eskoletan duen lekua hobetzeko, eta irakurketan bitartekari diren irakasle edo irakaslegaien formazio literarioa aberasteko eskaintza egin nahi dugu.

Bi hartzaile-mota izan ditugu buruan. Alde batetik, unibertsitateko ikasleak, bereziki hezkuntza ikasketak egiten ari diren etorkizuneko maisu-maistrak eta hezkuntzarekin zerikusia duten beste titulazioetako ikasleak, baita giza zientzietako ikasleak ere. Bestetik, irakaskuntzan diharduten maisu-maistrak eta hezkuntzaren munduko profesionalak.

Ikastaroak 75 orduko iraupena izango du, 5 ikasgaitan banatuta. Saio presentzialak 3 ordukoak izango dira, eta ostegunetan emango dira (lehen saioa izan ezik, urtarrilaren 29an izango dena, asteazkena), 17:00etatik 20:00etara. Saio presentzial bakoitza 2 orduko irakaskuntza ez-presentzialarekin osatuko da.

 

Ikastaroaren programa

EHU. Etengabeko prestakuntza ikastaroak