Izenburua: Jonek Jone izan nahi du
Idazlea: Dani Martirena
Ilustratzailea: Ana Ibaņez Elosua
Argitaletxea: Liburu iletsuak
Urtea: 2017
Orri kopurua: 32
Adina: 8tik gora
Laburpena:
Genero identitatea da ipuin honen gai nagusia, baina biltzen ditu, baita ere, haur batek handitan izango denaz dituen ametsak eta sentimenduak.
Oso tonu poetikoan idatzita dago, esaldi labur eta errimatuak erabiliz, irudimenarekin jolastuz, eta haurraren nahiak azpimarratuz. Ozen irakurtzeko modukoa da, entzutekoa.
Euskaraz deklinabideak sortzen dituen esanahi lausoak erabiltzen dira protagonistaren izenarekin jolasteko: Jon da, ala Jone da? Hortxe ipuin honen gakoa.
Ilustrazioek ere lausotasun horrekin jolasten dute, erabilitako collage ederrek ez baitute erabat argitzen protagonistaren generoa. Narrazioan aurrera egin ahala Joneren amets ezberdinak ezagutzen joango gara baina, azken orrian, Jon neska dela jakingo dugu. Mutila, gorputzez, baina ez buru-bihotzetan.
Bereziki aipagarria da liburuaren edizioa, postal bilduma zabalgarri baten itxurakoa. Tamaina txikikoa, azal eta kontrazal gogorrak ditu baina ia 2 metroko luzera (187 cm) hartzen du erabat zabalik, testua eta irudiak tartekatuz orrialde bakoitzean.
Ilustrazioek eite ezberdineko elementuak biltzen dituzte collage eran.
Xabier Etxanizen kritika Argian
Lore Agirrezabalen kritika Garan