Argitalpenak

Liburuaren irudia

Izenburua: Maitagarria eta desioa

Idazlea: Mariasun Landa Etxebeste

Ilustratzailea: Maite Gurrutxaga Otamendi

Argitaletxea: Elkar

Urtea: 2012

Orri kopurua: 81

Adina: 10tik gora


Laburpena:

12 atalez eta 9 irudiz osatutako liburua. Liburuaren hasieran zertaz ariko den kontatzen du, eta bitxia da, ezohikoa bai bederen. Atal bakoitzean bada letra lodiz errepikatzen den esaldi bat: “Maitagarri-segundo bat orduak izan daitezke guretzat, asteak txolarrearentzat, hilabeteak antxoarentzat eta urteak inurrientzat”. Narrazioaren bukaeran oso argi ikusten da esaldiaren esanahia, orduan konturatzen baita maitagarria protagonistari denbora akitzen ari zaiola.
Ez da zehazten non eta noiz gertatzen den istorioa, eta narratzaile orojakile batek kontatzen du. Hona argumentua:
Bai izeneko neska batek maitagarri bati lagundu zion eta, ordainetan, maitagarriak desio bat betetzeko aukera eman zion. Neskak biharamunean galdera bera egitera joateko eskatu zion, eta halaxe egin zuen maitagarriak. Maitagarria konturatu ez arren, denbora aurrera joango da eta neskak beti gauza bera eskatuko du, nahiz eta maitagarriak ez ulertu sarritan. Azkenean, konturatuko da neskak benetan nahi zuena desioak izateko gaitasunari eustea dela, alegia, ilusioa izatea.
Bai pertsonaia berezia da, sorgina ematen du baina bere bizitza arrunta da. Errealitatea eta fantasia nahasirik ditugu lan honetan: jasaten ari garen krisi latza eta bizi dugun errealitate gogorra dugu batetik eta maitagarri bat bestetik. Nahasketa berezi samarra baina emaitza interesgarria.
 


Prentsako aipamenak:

Imanol Merceroren kritika Berrian

Asun Agirianoren kritika Garan


Maitagarria eta desioa