Izenburua: Martin, egon geldi
Idazlea: Leire Bilbao Barruetabeña
Ilustratzailea: Patxi Gallego
Argitaletxea: Elkar
Urtea: 2009
Bilduma: Kuku saila
Orri kopurua: 43
Adina: 6tik gora
Laburpena:
Eguneroko bizitzan edozeini gerta dakioken abentura fantastiko bat kontatzen digu ipuin honek. Narrazioa oso arina da, umorez betea, eta ez du momentu bat ere deskantsurako lagatzen.
Amak Martin auto barruan utzi du, aireportuko aparkalekuan, handik ez irteteko aginduarekin. Martinek aginduak betetzen dakiela erakusten du, baina ama aitonaren bila joan den artean, mila abentura biziko ditu auto barrutik irten gabe: garabiak darama; kaitik pasatzean, ferry batean sartzen dute; berriro porturatzean auto garraiorako kamioi batek jasotzen du, azkenean berriro aireportuan uzteko. Hain juxtu ama eta aitona atetik ateratzen direnerako. Bukaeran, irakurleak, Martinek bezala, ez daki dena amets bat izan den, edo benetan gertatu ote den.
Ilustrazioak oso onak dira. Kolorezkoak, puntu-puntuan azpimarratzen dute testua, eta zerbait erantsi ere bai. Informazio asko eskaintzen dute, xehetasun asko dago begiratzen dena begiratzen dela. Bestalde, aipatu behar da komikiaren baliabideak erabiltzen direla Martinen pentsamenduak adierazteko, mugimendua “marrazteko”…