Izenburua: Bestiario sekretua : neskatila gaiztoak
Idazlea: Gabriela Larralde
Ilustratzailea: Myriam Cameros
Itzultzailea: Itziar de Blas
Argitaletxea: Denonartean
Urtea: 2019
Orri kopurua: 60
Adina: 8tik gora
Laburpena:
Neskato prototipoen katalogo ilustratura da. Batik bat estereotipoak eta aurreiritziak ukatzen dituzten izaeren aldarrikapenetan oinarritzen dira eskaintzen diren 23 “neskatila gaiztoen” soslaiak.
Testuek pertsonaia bakoitza deskribatzen dute, aldiko bat, elkarrekiko loturarik sortu gabe:Julia, Irune, Sheila, Maite, Miren, Ixabela (eta Maitena), Elia, Luana, Amaia, Zuri, Ane, Manuela, Elena, Nadia, Laia, Irati, Rita, Tam, Itzi, Pilar, Antonia, Haizea, Jaione. Pertsonaia guztiak haurrak dira, lauzpabost urtetik aurrerako adin zehaztugabekoak. Izaera handikoak dira guztiak, setatiak eta bihurriak. Ematen du izenburuko “gaizto” etiketa idazleek egin nahi duten kritika sozial bat dela, hainbat neskari era bidegabean “gaizto” deitzen zaiela salatzeko.
Testuek pertsonaiaren ekintza edota joera jakin bat deskribatzen dute.
Bi alditan (“Zuri” eta “Irati”) irakurleari parte hartzea eskatzen zaio, dela idazten, dela marrazten.
Ezker-eskuin orrialdeetan zabaltzen diren ilustrazioen gainean daude azalpen testuak. Konjuntoak txatal bildumaren antza hartzen du. Kolore paleta zabala darabilte, marrazketa teknika mistoarekin burutua, eta esku hutsezko jardunaren zantzuak areagotzeko zirriborratutako marrekin perfilatu dira irudiak. Konjuntoak itxura informala hartzen du, ohiko estandarretatik ihesean bezala.
Imanol Merceroren kritika Berrian