Izenburua: Grizzly birusa
Idazlea: Émilie Chazerand
Ilustratzailea: Amandine Piu
Itzultzailea: Amets Santxez Munain
Argitaletxea: Ibaizabal
Urtea: 2019
Orri kopurua: 32
Adina: 6tik gora
Laburpena:
Gertaera surrealista bat hartzen du album ilustratu honek abiapuntutzat, diruzalekeriaz eta adiskidetasun faltsuaz hitz egiteko.
Lore Musutxori doministiku egiten duen bakoitzean Grizzly hartza bat ateratzen zaio sudurretik; Jose Felix Lapurtzar gaiztoa neskatoarengana hurbilduko da, bere ustezko laguna egin, hartz horiek harrapatu, etxekotu eta maskota moduan saltzeko asmoz. Primeran joango zaio negozioa Jose Felixi, egun batean Lorek doministiku egin eta hartzarik botatzen ez duen arte. Errima zainduz ia bertso moduan idatzita dagoen testuari, xehetasunez betetako ilustrazio umoretsuek laguntzen diote.