Izenburua: Nola harrapatu elefante bat
Idazlea: Vanessa Westgate
Ilustratzailea: Vanessa Westgate
Itzultzailea: Nagore Irazustaberrena
Argitaletxea: Ttarttalo
Urtea: 2019
Orri kopurua: 40
Adina: 6tik gora
Laburpena:
Album ilustratu honek etxeko abereak (maskotak) izan nahi dituzten haurrei animaliekin enpatizatzen laguntzen die. Era berean maskota exotikoen zentzugabekeria salatzen du, dena tonu adiskidekor eta umoretsuan.
Elefante bat maskota gixa nahi izanez gero eginbeharreko guztia azaltzen digu pausuz-pausu: elefanteak non bizi diren jakin, bertara joan, haiei buruz asko ikasi, elefantea harrapatzeko tranpa bat egin, hegazkinez zure etxera eraman, elikatu, berarekin jolastu... baina elefanteak haien inguru naturalean eta haien espeziekoekin egon nahi dute, herriminak jota tristatu eta gaixotu egiten direlako etxean atxikita biziaraziz gero; horregatik ipuin honetako haurrak elefantea sorlekura itzuliko du, eta halaxe bukatuko da istorioa.
Ilustrazioek orrialde osoak betetzen dituzte. Beltzez eginiko lerro sinpleak eta kolore biziekin (horia, berdea eta urdina nagusiki) koloreztatutako azalera handiak dira ezaugarri nagusiak. Elementu gutxi erabiliz ilustratzaileak testua osatzen du tonu umoretsua indartuz.
Imanol Merceroren kritika Berrian