Izenburua: Superuntxi
Idazlea: Stephanie Blake
Ilustratzailea: Stephanie Blake
Itzultzailea: Jone Hualde
Argitaletxea: Denonartean
Urtea: 2018
Orri kopurua: 36
Adina: 4tik gora
Laburpena:
Album ilustratu honek haurren joko sinbolikoa erabiltzen du, handia/txikia dikotomiaz eta beldurra izateaz hitz egiteko, tonu umoretsua galdu gabe.
Untxi txikiak “superuntxitzat” hartzen du bere burua, eta gaizkileak harrapatzera abiatzen da. Zuhaitz baten zuloan sartzean, iluntasuna eta hotza sentitzen ditu. Berehala oihuka hasten da, eta korrika ateratzen da amaren bila. Hatzean zerbait sartu zaio, narratzaileak eta amak ezpal bat dela esango dutena, baina berak “superezpata”-tzat duena.
Ilustrazioak eskuineko orrialdean daude beti. Testua, aldiz, ezkerrekoan, orrialdearen erdian zentratuta. Hitz batzuk tamainaren arabera nabarmentzen dira, irakurketaren intonazioa laguntzeko-edo.
Kolore oso biziak darabil, ñabardurarik gabeko masak dira, elementu gutxirekin, eta ertzak marra beltz lodiz markatuta. Espresioetan, amaren jakintasuna eta umearen xumetasuna igartzen dira.