Izenburua: Tximeleta-belarriak
Idazlea: Luisa Aguilar
Ilustratzailea: André Neves
Itzultzailea: Fernando Rey Escalera
Argitaletxea: Pamiela-Kalandraka
Urtea: 2018
Orri kopurua: 28
Adina: 4tik gora
Laburpena:
Album ilustratu honek gainontzekoek esaten dizkiguten gauza itsusiez eta isekez “paso” egiten irakasten digu modu irudimentsuan.
Maddiren gelakideek beti dute zerbait itsusia edo desatsegina berari esateko: belarri handia dela, bere ilea espartzua bezain latza dela, galtzerdi zulatuak eta zapata zaharrak dituela, liburu erabiliak irakurtzen dituela,…
Hasieran, Maddi kezkatu egiten da entzuten dituen gauzekin, baina amak lasaitu egiten du esanez berak tximeleta belarriak dituela, gauza itsusiak mila kolorez margotzen dituzten belarri bereziak. Eta hori jakinda, entzuten dituen isekei aurre egitea lortzen du.
Ilustrazioetan kolore biziak nagusitzen dira, eta estilo desberdinak uztartzen, collagearen bidez. Testuak dioenari bizitasuna eta indarra ematen diote.