Josu Waliño Pizarro (Zumaia, 1972). Informatikan lizentziatua, PuntuEUS Fundazioko Zuzendaria da gaur egun. Zenbait komunikabidetan kolaboratzaile aritu ohi da eta hainbat literatura lehiaketatan izan da saritua; besteak beste, bi urtez jarraian irabazi du Ikastolen Elkarteak sustatzen duen haur-literaturako JUUL Saria Hortza galdu du Jonek ipuinarekin. Haur literaturan zein gazte literaturaren arloan hainbat lan argitaratu ditu.

Hainbat liburu argitaratu ditu azken urteotan, haurrentzat (“Lepoko minez zegoen hontza”, “Hortza galdu du Jonek” eta “Pirata Ximon”), gazteentzat (“Izarren artzaina” eta “Heriotzak”) zein helduentzat ere (“Bederatzi ateak”). Hauez gain, Internet bidezko literatura ere landu du Mikroipuin-labea gunearen bitartez: www.baleike.com/mikroipuinak.

 * Segurtasun arrazoiak direla medio, profesional honen datu pertsonalik ez duzu aurkituko web gune honetan. Hala ere, horiek eskuratu nahiko bazenitu Galtzagorrira dei dezakezu (Telf: 943471487) edota email bat igorri (galtzagorri@galtzagorri.eus) eta ahal dugun guztian lagunduko dizugu.